Shi jinpingning ménge ösmisi heqqidiki xewerler axbarat wastiliridin yer almaqta

Muxbirimiz eziz
2022.05.17
Share on WhatsApp
Share on WhatsApp

Xitay re'isi shi jinpingning ménge qan tomur ösmisige giriptar bolghanliqi dunyadiki herqaysi axbarat wastiliridin keng yer éliwatqan bolup, bu heqtiki xewerler aliqachan xitayda qet'iy men'iy qilin'ghan témilardin bolup qalghan.

En'gliyediki “Kündilik pochta” gézitining 15-maydiki xewiride éytilishiche, bu yil 68 yashqa kirgen shi jinpingning ménge qan tomur ösmisige giriptar bolghanliqi oxshimighan menbelerdin melum bolmaqta iken. Nöwette shi jinpingning buni opératsiye qildurush niyitining yoq ikenliki, peqet en'eniwi xitay tibabiti boyiche dora yewatqanliqi heqqidimu xewerler otturigha chiqmaqta iken. Yene bezi toluqsiz melumatlar bolsa shi jinpingning 2021-yilining axiri méngisige qan chüshkenliki sewebidin bir qétim doxturxanigha barghanliqini algha süridiken.

“Soda dunyasi” gézitining bu heqtiki xewiride éytilishiche, shi jinpingning késelliki heqqidiki herqandaq yazma xitaydiki herqandaq tor betlerdin tézdin öchürülmekte iken. Beziler mushu halgha qarap buning rast bolushi mumkinlikini algha sürmekte iken. Melum bolushiche, ménge qan tomur ösmisi adette tomur yérilmighuche bayqalmaydighan bolup, dora bilen dawalashtin tartip opératsiye qilghuche bolghan oxshimighan usullar qollinilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet