Xitay dölet re'isi shi jinpingning lasada tuyuqsiz ziyarette bolghanliqi ashkarilan'ghan

Muxbirimiz irade
2021-07-22
Share

Radiyomizning igilishi we bir qanche menbelerdin delillishiche, xitay dölet re'isi shi jinping bügün, yeni 2021-yili 7-ayning 22-küni tibetning merkizi lasada tuyuqsiz ziyarette bolghan.

Derweqe, bu ziyarettin bir kün awal da'iriler lasadiki potala ordisining 22-iyul taqilidighanliqini bildürgen iken, bundin bashqa lasada uchquchisiz ayropilan we legleklerni uchurushqa bolmaydighanliqi heqqide uqturushlar chiqirilghan iken.

7-Ayning 22-küni lasada kochigha chiqish cheklen'gen we zawutlar taqalghan, biraq xitaydiki taratqularda shi jinpingning lasadiki ziyariti heqqide téxiche xewer tarqitilmighan. Emma radiyomizning tibet bölümi shi jinpingning lasani ziyaret qilip, kishilerge salam bergenlikini jezmleshtürgen.

Melum bolushiche, bu shi jinpingning 2013-yili xitay dölet re'isi bolghandin buyan tunji qétim tibetni ziyaret qilishi bolup hésablinidiken. U 2011-yili mu'awin dölet re'islik salahiyiti bilen tibetni ziyaret qilghan bolup, eyni chaghda tibet aptonom rayonluq partkomning sékritari del hazirqi Uyghur aptonom rayonluq partkomning sékritari chén chüen'go idi.

Sürgündiki tibet hökümitining bayanatchisi ténzin lékshéy bu heqtiki bayanatida shi jinpinggha chaqiriq qilip: "Shi jinping tibet xelqining heqiqiy arzusini anglishi kérek, bu dégenlik dalay lamaning tibetke bérishi we tibet mesilisining heqiqiy hel qilinishi démektur," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet