“Shinjangda jungxu'a milletliri ortaq gewdisi éngini shekillendürüsh” xitay emeldarlirining yétekchi idiyesige aylan'ghan

Muxbirimiz jewlan
2022.06.08
Share on WhatsApp
Share on WhatsApp

Xitay re'isi shi jinping 3 qétimliq “Shinjang xizmiti yighini” da birdek tekitlep kelgen “Jungxu'a milletliri ortaq gewdisi éngini shekillendürüsh” Uyghur aptonom rayonluq partkom sékritari ma shingrüy we bu rayon'gha tekshürüshke kelgen yuqiri derijilik xitay emeldarlirining asasliq sho'arigha aylan'ghan.

Xitayning hökümet taratquliridiki xewerlerge qarighanda, xitayning mu'awin bash ministiri xu chünxu'a 6-ayning 4-künidin 7-künigiche Uyghur rayonida tekshürüshte bolghan, uning meqsiti “Namratliqtin qutulush siyasitining méwisini qoghdash we uni kéngeytishni yézilarni güllendürüsh bilen birleshtürüsh” xizmitige yétekchilik qilish bolsimu, yenila shi jinping otturigha qoyghan sho'arni tekrarlashni untup qalmighan.

Xu chünxu'a ili, bortala, shixenze qatarliq jaylargha bérip, “Namratliqtin qutulghan yézilar” we bingtu'en qarimiqidiki sana'et sheherchilirini közdin kechürgende qilghan sözide, “Milliy rayonlarning tereqqiyatini ilgiri sürüsh, her millet xelqini ortaq bay qilish we jungxu'a milletliri ortaq gewdisi éngini mustehkemlesh” ni tekitligen.

Uyghur rayonida iqtisadiy monopulluq bilen milliy assimilatsiyening munasiwiti nahayiti roshen bolup, siyasiy közetküchi ilshat hesen bu nuqtini sherhlep: “Xitayning meqsiti Uyghurlarni bay qilish emes, belki ularning milliy mewjutluqini yoqitish. Jungxu'a milletliri ortaq gewdisi emeliyette xitaydin bashqa nerse emes,” dégenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.