Хитай тәшвиқатлири талибанға яхшичақ болуш үчүн сөз оюни ишләткән
Бир һәптә бурун хитайниң шинхуа тори "хитай әлчиси афғанистанни қайтидин террористларниң увиси болуп қалмаслиққа агаһландурди" намлиқ бир мақалә елан қилған болуп, мақалидә "шәрқий түркистан ислам һәрикити" дегән намни "шәрқий түркистан мустәқиллиқ һәрикити" дәп өзгәрткән. Һәр икки намниң ингилизчә қисқартилған шәкли "ETIM" икән.
Исраилийәлик паалийәтчи әнни дестини 25-авғуст күни бу һәқтә тивиттерда учур йоллап "мәнчә, хитай компартийәси талибан қериндашлириға яхши көрүнүш үчүн ‹исламий һәрикәт' дегәнни ‹мустәқиллиқ һәрикити' гә өзгәрткәндәк туриду" дәп язған. Униң қаришичә, хитай өзи дүшмән көридиған "исламий һәрикәт" ни талибанларниң яхши көридиғанлиқини билгәчкә, әқидә мәсилисидә талибанларниң чишиға тегип қоюшидин, һәтта уларниң хитайни капирлар дәп ят көрүшидин әнсригән.
Көзәткүчиләрниң қаришичә, хитай исми бар җисми йоқ "шәрқий түркистан ислам һәрикити" тәшкилатини қәстән ойдуруп чиқарғинидәк, вәзийәтниң тәқәззаси бойичә униң наминиму халиғанчә өзгәртип баққан. Хитай һәр қандақ сиясәт вә дипломатик мунасивәтләрдә һийлә ишлитишкә уста болуп, сөз оюни ишлитишму униң бир түри һесаблинидикән.
- Һиндистандин кәлгән вәкил: "бизниң мәқситимиз уйғур тилини өгинип, кимликимизни қоғдап қелиш"
- Истанбулда д у қ вәхпәниң 2-нөвәтлик қурғучи һәйәтләр омумий йиғини чақирилди
- Уйғур сот коллегийәси 3-испат аңлаш йиғинида доктор адриян зенз "шинҗаң һөҗҗәтлири" дики йеңи мәзмунларни ашкарилиди
- Дуня уйғур қурултийиниң сайлими вә уйғур даваси (нәзәр 56-сан)
- Мәрһум сәнәткар мәһмут сулайман: "аңлиғин достум биздин ривайәт"
