Тәйвән даирилириниң рабийә қадир ханим қатарлиқларни виза илтимас қилмаслиққа дәвәт қилғанлиқи мәлум

Мухбиримиз җүмә
2016-02-21
Share

Тәйвәндә ечиливатқан «асия - тинч окян диний әркинлик мунбири» йиғинини тәшкиллигүчиләрниң ашкарилишичә, тәйвән даирилири хитайниң чишиға тегип қоймаслиқ үчүн дуня уйғур қурултийи рәиси рабийә қадир ханим вә тибәт сүргүндә һөкүмити баш министири лобсаң саңгайларни виза илтимас қилмаслиққа дәвәт қилған икән.

«Лос анҗелес вақит гезити» ниң хәвәр қилишичә, мәзкур йиғинни тәшкиллигүчиләрдин америкидики «хитайға ярдәм җәмийити» ниң рәиси боб фу юқири учурларни ашкарилиған. Униң ейтишичә, өткән йили декабирда тәйвән һөкүмити юқириқи икки сиясий затни виза илтимас қилмаслиққа мақул кәлтүргән.

Боб фу йиғинниң ечилиш мурасимида мундақ дегән: «хитайниң диний әркинлик мәсилиси үстидә сөз ечилғанда, уйғур вә тибәт милләтлири тилған елинмайдикән, ундақта бу диний әркинлик һәққидики муназирә чала болуп қалиду.»

Хәвәрдә көрситишичә, бу һәқтики соалларға дуч кәлгән тәйвән ташқи ишлар министирлиқи вә көчмәнләр идариси бу иштин хәвири йоқлуқини билдүргән.

Бу һәқтә зияритимизни қобул қилған рабийә қадир рабийә ханим мәзкур йиғинға қатнишалмиғанлиқидин әпсусланған болсиму, өзиниң тәйвәнгә киргүзүлмигәнликиниң сәвәбини хитайдин көридиғанлиқини билдүргән.

Бу қетим тәйвәнгә кириш виза илтимас рәт қилинғанларниң ичидә дуня уйғур қурултийи иҗраийә комитети рәиси долқун әйсаму бар иди.

Мәлум болушичә, мәзкур йиғинға 26 дөләттин 99 киши келип қатнашқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.