Таҗикистан билән хитай террорлуққа қарши туруш маневири өткүзмәктә

Мухбиримиз ирадә
2016-10-20
Share

20-Өктәбир күни таҗикистан билән хитай "террорлуққа қарши туруш" һәрбий маневирини башлиған. Фирансийә агентлиқиниң ейтишичә, 24-өктәбиргичә давам қилидиған бу маневир таҗикистанниң афғанистан билән чегрилинидиған җайлирида елип бериливатқан болуп, униңға һәр икки тәрәптин җәмий 10 миңға йеқин һәрбий хадим иштирак қилидикән.

Фирансийә агентлиқи хәвиридә, уйғур ели билән чегрилинидиған таҗикистанниң бихәтәрликиниң хитай үчүн муһим болуп қалғанлиқини, шуңа хитайниң өткән йилидин башлап таҗикистан, пакистан вә афғанистанлар билән террорлуққа ортақ қарши туруш һәққидә келишим имзалиғанлиқини баян қилған.

Таҗикистан даирилириниң ейтишичә, хитай таҗикистанниң афғанистан билән болған 1300 километирлиқ чеграсидики бихәтәрликини күчәйтиш асасий қурулушиғиму мәбләғ селиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт