Тәйвәндики гоминдаң рәиси «гоминдаң - компартийә сөһбити»гә қатнишиду

Мухбиримиз үмидвар
2015-04-12
Елхәт
Пикир
Share
Принт


Тәйвәндики гоминдаң партийәси рәиси җу лилүн өзиниң мәхсус бир вәкилләр өмики тәшкилләп, 2 - 3 - май күнлири шаңхәй шәһиридә өткүзилидиған икки қирғақ сода - иқтисад вә мәдәнийәт муһакимисигә қатнишидиғанлиқини билдүргән.

Б б с агентлиқиниң хәвәр қилишичә, мәзкур икки қирғақ сода - иқтисад вә мәдәнийәт муһакимиси әмәлийәттә гоминдаң - компартийә сөһбитидин ибарәт болуп, мәзкур паалийәт даим гоминдаң - компартийә сөһбити дәпму атилиду. Бундақ болушидики сәвәб мәзкур паалийәтни тәйвәндики гоминдаң партийәси билән чоң қуруқлуқтики компартийә биваситә вә бирликтә тәшкиллигән икән.

Гоминдаң - компартийә сөһбити алди билән гоминдаң партийәси рәиси лйән җән 2005 - йили тунҗи қетим чоң қуруқлуқни зиярәт қилип, әйни вақиттики хитай компартийәси баш секритари ху җинтав билән учрашқандин кейин башланған һәмдә икки партийәниң 60 йиллиқ дүшмәнликигә хатимә берилгән иди.

Тәйвәндики гоминдаң партийәси рәиси җу лилүнниң шаңхәйдики паалийәттин кейин бейҗиңда хитай компартийәси баш секритари ши җинпиң билән көрүшүш еһтималлиқи билдүрүлмәктә.

Пикирләр (0)
Share
Толуқ бәт