Тибәттики ярлузаңбу дәрясидики тунҗи әң чоң су електр истансиси ишқа киришти

Хитай хәлқ җумһурийити тибәтни контроллуқ астиға алғандин буянқи әң чоң су електр истансиси 23 - ноябир күнидин етибарән рәсими ток тарқитишқа башлиди.

Хитай һөкүмәт мәтбуати «хитай күндилик» гезитиниң йезишичә, бу қурулуш үчүн 9 милярд 600 милйон йүән, йәни бир милярд 500 милйон доллар сәрп қилип, 8 йил вақит кәткән. Бу, тибәт егизликидики әң чоң вә узун ярлузаңбу дәрясидики 510 миң киловат ток күчигә игә електр исансисидур.

Хәвәрдә ейтилишичә, заңму су електр истансиси дәп аталған мәзкур су електр истансиси 6 ток чиқириш бөлүкидин тәркип тапқан болуп, буниң биринчиси ишқа киришкән болуп, иккинчи бөләк келәр айда, қалған төт бөләк келәр йили толуқ ишқа кириштүрилидикән.

Ярлузаңбу дәрясиниң узунлуқи 3 миң 800 километирдин артуқ болуп, деңиз йүзидин егизлики 3 миң 300 метирдин ашидикән. Дәряниң бу хил җуғрапийилик җайлишиши су електр истансиси үчүн пайдилиқ икән. Әмма, дәряниң һиндистан вә бән’ гал қатарлиқ дөләтләр арисидин өтүши түпәйлидин, бу дөләтләр хитайниң су електр истансилири қурулуши арқилиқ екологийилик муһитқа сәлбий тәсир йәткүзүшидин,хитайниң су мәнбәлирини қамал қилиш арқилиқ бу дөләттики милйонлиған аһалиларниң су билән тәминлишиниң қийинлишишидин әндишә қилмақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар