Вухәндә бир түркүм туңган җамаити икки нәпәр хитай сақчисини бирқанчә саәт гөрүгә еливалди

Мухбиримиз шөһрәт һошур
2013-04-08
Елхәт
Пикир
Share
Принт

Хунәнниң вухән шәһиридики бир йемәк-ичмәк базирида җүмә күни хитай сақчилири билән бир түркүм туңганлар арисида тоқунуш йүз бәргән.

Тоқунушта дәсләптә бир туңган ашханисиниң хоҗайини 4 нәпәр сақчи тәрипидин қаттиқ урулуп баш-көзи йерилған; нәқ мәйдандики амминиң сала-сулиһлириму сақчиларға тәсир қилмиған. Вәқә шәһәрдики туңган җамаитиниң қулиқиға йәткәндин кейин 200 гә йеқин туңган нәқ мәйданға йетип келип, вәқәгә арилашқан сақчилардин икки нәпирини гөрүгә еливалған вә йол тосуп сақчиларниң зораванлиқиға наразилиқ билдүргән. Хитай торлирида бу һәқтә чиққан хәвәрләрдә вәқәниң баш-ахири һәққидә тәпсилий мәлумат берилмигән.

Вәқәниң растлиқини мәзкур базардики тиҗарәтләрдин игиләп чиққан радиомиз хитайчә бөлүми бүгүн, дуня уйғур қурултийи баянатчиси дилшат ришитни зиярәт қилип мәзкур вәқәгә қарита пикрини сориған.

Дилшат ришит, уйғурларға охшашла, хитайдики башқа хитай болмиған башқа милләтләрниңму зулум вә зораванлиққа учраватқанлиқини, буниңға хитайниң дөләт бихәтәрлик сияситидики хитай милләтчилик еңи вә фашисизмлиқ һессиятниң сәвәб болуватқанлиқини тилға алған.

Пикирләр (0)
Share
Толуқ бәт