Америкидики түрк биохимийә алими нобел мукапатиға еришти

Мухбиримиз җүмә
2015-10-07
Share

Түрк алимлириму бу йил нобел мукапатиға еришкән алимлар қатаридин орун алди. У болсиму, нөвәттә америкида яшап тәтқиқат билән шуғуллиниватқан биохимийә алими әзиз санҗар иди. Чаршәнбә күни, униң һүҗәйриләрниң бузулған DNA ни қандақ әслигә кәлтүридиғанлиқи тоғрисидики йеңи байқиши нобел мукапатиға еришти.

Бу түрдики мукапатқа йәнә, америкилиқ алим паул, мудрик вә шиветсийәлик алим томас линдаһлму еришти.

Әзиз санҗар әсли түркийәдин болуп, истанбул университетини пүттүргән вә кейин америкиниң далас шәһәрдики тексас университетида докторлуқ унваниға еришкән.

У яле университетида хизмәт қилиш җәрянида һүҗәйриләрниң ултра бинәпшә нур, йәни радиатсийидин зәхимләнгән дна ни әслигә кәлтүрүш механизмини сихимилаштуруп чиққан.

У һазир шималий каролина университетниң профессори.

Мәлум болушичә, юқириқи 3 алимниң бу байқашлиридин пайдилинип рак кесәлликлирини йеңичә давалаш усулини тәрәққий қилдурғили болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт