Хитайдики таҗисиман вирусиниң вәһимиси һелиһәм давам қиливатқан болуп, буниң уйғур диярида техичә зор көләмлик карантинға сәвәб болуватқанлиқи диққәт қозғиди.
"хитай хәвәрлири" ториниң 15-декабирдики хәвиридә ейтилишичә, турпан шәһәрлик һөкүмәт нөвәттә 353 нәпәр кишиниң таҗисиман вируси гумани билән карантин қилиниватқанлиқини алаһидә хәвәр қилған. Хәвәрдә бу кишиләрниң бир кишилик айрим өйләргә орунлаштурулғанлиқи, өйләрниң шараити яхши болуп, тор вә телевизийә сәпләнгәнлики, шуниңдәк һәр бир кишиниң күндилик тамақ өлчиминиң 150 сом (тәхминән 23 америка доллири) болуватқанлиқи алаһидә тәкитләнгән.
Хитай һөкүмитиниң вирус мәсилисидә изчил ялған сөзләватқанлиқини әскәрткән бир қисим анализчилар нөвәттики вирус юқуми һәққидә берилгән бу хәвәрдиму көплигән гуманлиқ нуқтиларниң барлиқини, йәнә келип турпандики юқум әһвалиниң әмәлийәттә буниңдинму еғир болуши мумкинликини тәкитлиди. Йәнә бәзиләр болса илгирики вақитлар карантин қилинған уйғурлар һәққидә иҗтимаий таратқуларда тарқалған син көрүнүшлиридә уйғурларниң толиму начар шараитта карантин қилинғанлиқини, әмди бу кишиләрниң алаһидә күтүшкә муйәссәр болуватқанлиқини селиштуруп: "бу кишиләр хитай һөкүмитиниң көчмән йөткәш чақириқиға аваз қошуп ичкиридин кәлгән хитай аққунлири болуши мумкин," дейишмәктә икән.
- Беларусийәдә вапат болған абдурахман абдулниң аилиси хәвп астида
- Пәридә әмәтниң лагер сақчиси болғандин кейинки сирлиқ өлүми
- Ғәйрәт кәнҗи ишлигән "уйғур едит" ниң йеңиланған нәшри торға қоюлди
- Америка ташқи ишлар министирлиқи уйғурларни америкаға қобул қилинидиған мусапирлар тизимликигә киргүзгән
- Канада парламенти хитайниң уйғурларға қаратқан зулумлирини "ирқий қирғинчилиқ" дәп бекитти
