Хитай даирилири йәркәндики бир дохтурханиниң уйғур рәһбири үстидин тәкшүрүш елип беришқа башлиған
Хитай даирилири йәркән наһийәсиниң аламәт базарлиқ дохтурханиниң уйғур рәһбири үстидин интизам тәкшүрүши вә ривизийәлик тәкшүрүш елип беришқа башлиған. "биңтүән хәвәрлири" ниң учурида мәзкур базарлиқ дохтурхана башлиқиниң "интизам вә қанунға еғир хилаплиқ қилиш" билән әйиблинип тәкшүрүлүшкә башлиғанлиқини билдүргән. Әмма униң конкирет қайсий интизамға вә қанунға хилаплиқ қилғанлиқини тилға алмиған.
Хитай даилириниң 2017-йили башланған аз дигәнда бир милйон 800 миң уйғур вә башқа мусулман түркий аз санлиқ милләт кишилирини лагерларға қамаштәк чоң тутқунида, нурғун уйғур кадирлар "интизам вә қанунға хилаплиқ қилиш" дегән бу нам билән әйиблинип, җазаланған яки из-дерәксиз йоқалған иди.
"биңтүән хәвәрлири" ниң ейтишичә, бу қетим йәркән наһийәси аламәт базарлиқ дохтурхана партийә гурупписиниң секритари, муавин дохтурхана башлиқи турақ осман тәкшүрүлүшкә башлиған. Хәвәрдә нөвәттә турақ османға қарита йәркән наһийәлик интизам тәкшүрүш вә ревизийә комитети тәрипидин "интизам тәкшүрүши вә ревизийәлик тәкшүрүш" елип бериливатқанлиқи тәкитләнгән.
Мәлум болушичә, бу йил 52 яшлиқ турақ осман 1998-йили хизмәткә қатнашқан болуп, у илгири йәркәнниң дөңбағ, қошериқ, арсланбағ, елишқу, хаңди қатарлиқ йеза-базарлиқ дохтурханиларниң башлиқлиқ вәзиписини өтигән икән. У 2019-йилдин бери аламәт базарлиқ дохтурхана партийә гурупписиниң секритари вә муавин башлиқлиқ вәзиписини өтәп кәлгән икән.
- Өз вәтинидин йирақ анатолуда меһри-шәпқәт тапқан 20 уйғур мусапир балиниң һекайиси
- Нурсимангүл абдурешит: "ташқий дуня уйғурлар тоғрилиқ талаш-тартиш қиливатқан минутларда бизниң йилтизимиз қирқилмақта"
- Доктур аталған дамолла
- "уйғур сот коллегийәси" ниң 2-қетимлиқ гуваһлиқ аңлаш йиғини дуняниң диққитини уйғурларға қаратти
- Корлада сорақханида өлгән әркин сулайманниң иниси: "акамниң өлүмигә телефон соһбитимиз әмәс, бәлки дуруст бир инсанлиқи сәвәб болған"
