Радийомиз уйғур бөлүми мухбирлириниң аилә-тавабиатлириниң тутқун қилиниши диққәт қозғиди

Мухбиримиз шөһрәт һошур
2018-02-28
Share

Бүгүн «вашингтон почтиси» гезити радийомиз уйғур бөлүми мухбирлириниң биваситә уруқ-туғқанлириниң хитай даирилири тәрипидин тутқун қилинғанлиқи һәққидә бир парчә мәхсус хәвәр елан қилди.

Мәзкур хәвәр хәлқаралиқ журналистларни қоғдаш җәмийитиниң диққитини тартти вә уларни һәрикәткә кәлтүрди. Мәзкур җәмийәт вәқә һәққидә дәрһал баянат елан қилип, «хитай һөкүмитиниң журналистларниң аилә-әзалирини җазалиши зораванлиқта һәддидин ашқанлиқтур,» дәп әйиблиди. Баянатта тутқунларниң нәдилики, саламәтлик әһвали, қануний салаһийити һәққидә мәлумат беришкә вә уларни дәрһал қоюп беришкә чақириқ қилинди.

«Вашингтон почтиси» гезитиниң бүгүнки бу һәқтики хәвиридә уйғур бөлүмидики 4 нәпәр мухбирниң биваситә аилә-әзалиридин 9 кишиниң тутқунда икәнлики вә буниңға уларниң уйғур дияри һәққидә ишләватқан хәвәрлириниң сәвәб болғанлиқи баян қилинған иди.

Журналистлар җәмийити бүгүнки баянатида мухбир гүлчеһрәниң балнитсида давалиниватқан дадиси билән бирликтә уруқ-туғқанлиридин җәмий 20 нәччә кишиниң тутқунда икәнлики үстидә алаһидә тохталди.

«Вашингтон почтиси» гезитиниң бүгүнки хәвиридә хитайниң әркин асия радиоси уйғур бөлүми мухбирлириниң уйғур дияридин телефон арқилиқ әһвал игилишини аваз тонуш техникиси билән чәкләватқанлиқиниму тилға алди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт