Америка кеңәш палатаси «уйғур қанун лайиһәси» ни авазға қоюшқа йүзләнди

Мухбиримиз әзиз
2020-05-12
Елхәт
Пикир
Share
Принт

Америка кеңәш палатасиниң рәһбири мич мәкконел өткән һәптә мухбирларға сөз қилип «уйғур кишилик һоқуқ қанун лайиһәси» ниң түзитилгән нусхисини кеңәш палатасида авазға қойидиғанлиқини билдүргән иди. Бүгүн бу һәқтә бәзи илгириләшләрниң болуватқанлиқи дәсләпки қәдәмдә мәлум болди.

«Бломберг хәвәрлири» ниң 12-майдики хәвиридә ейтилишичә, нөвәттә кеңәш палата рәһбәрлири һазир буни авазға қоюшқа қарши пикирниң қанчилик икәнликигә қараватқан болуп, бу қетимму униң мутләқ үстүнлүк билән мақуллиниши еһтималға йеқин икән. Бу ишлардин хәвәрдар болған үч әрбаб мәзкур қанун лайиһисини авазға қоюш бәлким мушу һәптә ичидә ишқа ешиши мумкин, дәп қарайдиғанлиқини билдүргән.

Мич мәкконел бу һәқтә сөз қилип: «әмди хитай компартийәси билән қандақ мунасивәттә болуш һәққидики кәскин соаллар америка һөкүмитигә йоллиниду,» дегән. Йәнә келип бу қетимқи таҗсиман вирусиниң америкаға елип кәлгән балайиапәтлири түпәйлидин җумһурийәтчиләрниң көп қисми хитай билән болидиған мунасивәттә қаттиқ мәйдан тутуш лазимлиқини тәкитлимәктә икән.

Хәвәрдә ейтилишичә, нөвәттә кеңәш палатасида 50 киши буниңға имза қойған болуп, бу қетимму униң оңушлуқ мақуллиниши үмид қилинмақта икән.

Пикирләр (0)
Share
Толуқ бәт