Уйғур аптоном район даирилири сақчи қошуни қурулушини күчәйтидикән

Мухбиримиз җүмә
2017-05-27
Share

Уйғур елидә сақчилар һәдәп көпәйтиливатқан бир мәзгилдә, уйғур аптоном район даирилири җәмийәт муқимлиқи вә узун мәзгиллик әминликни ишқа ашуруш үчүн сақчи қошуни қурулушини йәнә күчәйтидиғанлиқини билдүргән.

"тәңритағ тори" ниң хәвәр қилишичә, булар 26-май чен чүәнго риясәтчилик қилған уйғур аптоном районлуқ парткоминиң даимий һәйәтләр йиғинида оттуриға қоюлған.

Мәлуматларға қариғанда, мәзкур пилан хитай рәиси "ши җинпиңниң мәмликәтлик җ х системисидики аталмиш нәмуничиларни тәқдирләш йиғиниға қатнашқан вәкилләр билән көрүшкәндә қилған сөзиниң роһи" ға асасән йолға қоюлидикән.

Хәвәрдә мундақ дейилгән: "җ х хизмити вә җ х қошуни қурулушини үзлүксиз илгири сүрүшни йеңи балдаққа көтүрүп, иҗтимаий муқимлиқни қоғдаштики хизмәтләрни пухта ишләш керәк."

Бу қетим даириләр оттуриға қойған "сақчи қошуни қурулуш қурулушини илгири сүрүш" пиланиң йәнә сақчи көпәйтишидин дерәк беридиған яки бәрмәйдиғанлиқи хәвәрдә конкретни шәрһләнмигән.

Хитай даирилири өткән йилиниң ахиридин буян уйғур елидә сақчи вә ярдәмчи сақчиларни һәссиләп көпәйтишкә башлиған иди.

Ақту наһийиси техи өткән айда омумий уқтуруш чиқирип, хитай өлкилиридин юқири мааш билән 600 нәпәр сақчи қобул қилидиғанлиқини билдүргән болса, йеқинда хотәнниң керийә, чира вә лоп наһийәлири шундақла қизилсуниң атуш шәһиридә йеңидин қобул қилинған нәччә йүзлигән ярдәмчи сақчиниң җиддий мәшқләндүрүлүватқанлиқи мәлум болған иди.

Униңдин башқа хотәнниң гума наһийәсидиму 200 нәпәр ярдәмчи сақчиниң қобул қилинип, һәрқайси сақчиханиларға сәпләнгәнлики илгири сүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт