Уйғур районидин 3 миңчә оқутқучи бөлгүчиликкә қарши һәрикәт үчүн хитай өлкилиригә әвәтилгән

Мухбиримиз шөһрәт һошур
2016-08-17
Елхәт
Пикир
Share
Принт

Хитайниң йәршари вақти гезити қатарлиқ дөләт ахбаратиниң хәвәр қилишичә, уйғур районидин 2939 нәпәр оқутқучи хитай өлкилиридики уйғур оқуғучилар оқуватқан мәктәпләргә әвәтилгән.

Хәвәрдә дейилишичә, буларниң вәзиписи уйғур оқуғучиларға бөлгүнчиликкә қарши тәлим тәрбийә бериш болуп, вәзипә муддити икки йил давам қилиду. Мәлум болушичә, дүшәнбә күни әнә шу бөлгүнчиликкә қарши вәзипидар оқутқучиларни хитай өлкилиригә узитиш мурасими өткүзүлгән, мурасимда уйғур районлуқ партком секретари җаң чүншйән сөз қилип, бөлгүчиликкә вә диний радикаллиққа қарши бирлик-иттипақлиқ шәкилләндүрүшниң зөрүрийитини тәкитлигән.

Муһаҗирәттики уйғур көзәткүчиләрниң қаришичә, хитай уйғур оқуғучиларни хитай өлкилиридә тәрбийиләш йәни миллий мәдәнийәт муһитидин айриветиш арқилиқ, уларда миллий аң вә миллий һессият шәкиллинишниң алдини алмақчи болған, әмма бу тәдбир хитай күткәндәк нәтиҗә бәрмигән; нәтиҗидә бу қетим уйғур районидин мәзкур хизмәт гурупписини әвәтишкә мәҗбур болған. Йәр шари вақти гезитиниң бу һәқтики хәвиридә йеқинқи йиллардин бери уйғур районидин хитай өлкилиригә җәмий 234 миң оқуғучиниң әвәтилгәнлики әскәртилгән.

Пикирләр (0)
Share
Толуқ бәт