Америка дөләтлик радийо истансиси уйғур вәзийитиниң яманлишиватқанлиқи һәққидә хәвәр бәрди

Мухбиримиз шөһрәт һошур
2018-09-05
Share

Америкидики әң нопузлуқ ахбарат орунлиридин NPR, йәни дөләтлик радийо истансиси уйғур вәзийитиниң яманлишиватқанлиқи һәққидә мәхсус хәвәр бәрди.

Мәзкур радийониң мәшһур риясәтчи ари шапиро билән «вол-стрет журнили» гезитиниң мухбири ева дов арисида сөһбәт шәклидә берилгән бу аңлитишта алди билән уйғур районидики лагерлар һәққидә бериливатқан хәвәрләрниң қанчилик үнүм пәйда қилғанлиқи оттуриға қоюлди.

Программида ева дов мәзкур мәсилисиниң ахири б д т сәһнисигә чиққанлиқи, хитайниң б д т да «кәспий тәрбийә орунлири» ни тилға елиш арқилиқ лагерларниң мәвҗутлуқини қисмән дәриҗидә етирап қилишқа мәҗбур болғанлиқи илгири сүрүлди.

Программида хитайниң чәтәлдики уйғурларғиму қол сунуватқанлиқи вә бу қол сунушниң японийә, явропа дөләтлири, һәтта америкиға қәдәр узураватқанлиқи, әмма муһаҗирәттики уйғурларниң лагерлар мәсилисини паш қилиш үчүн әмди иккиләнмәй оттуриға чүшүшкә башлиғанлиқи гәвдиләндүрүлди.

Сүний һәмраһ арқилиқ тартилған сүрәтләрдин лагерларниң давамлиқ түрдә қурулуватқан вә кеңийиватқанлиқи әскәртилгән мәзкур сөһбәт хатирисидә уйғур районида йиллардин бери давам қиливатқан бастурушниң йеқинқи икки йилда немә үчүн бундақ кәскинләшкәнлики соралди. Мухбир ева дов уйғур райониниң әмәлдари чен чүәнгониң илгири тибәттә вәзипә өтигәнлики, мана мушундақ қаттиқ тәдбирләр билән тибәттә аталмиш «муқимлиқ» ни сақлиғанлиқи, униң шу тәҗрибисиниң әмдиликтә уйғур районида синиливатқанлиқини баян қилди.

NPR Ниң вә башқа хәлқара ахбарат васитилириниң илгирики хәвәрлиридә лагерлар мәсилисиниң ялғуз чен чүәнгониңла әмәс, бәлки әң асаслиқи хитай мәркизи һөкүмитиниң ирадиси билән қурулған вә давам қиливатқанлиқи илгири сүрүлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт