Хотән вилайитиниң "аз санлиқ милләтләр тәрәққияти мәблиғи" өстүрүлгән

Мухбиримиз ирадә
2017-02-23
Share

Уйғур аптоном районлуқ һөкүмәт тор бетидин мәлум болушичә, уйғур аптоном район даирилири чаршәнбә күни хотән вилайитидики аз санлиқ милләтләр тәрәққияти үчүн биринчи түркүмдә 32 милйон 900 миң сом мәбләғ тәстиқлиған.

Гәрчә бу һәр йили бир қетим уйғур аптоном районлуқ һөкүмәт тәрипидин хотән вилайитидики намратларни йөләш хизмәтлири үчүн берилип келиватқан бир мәбләғ болсиму, әмма униң гумидики вәқәдин кейинки җиддий вәзийәт астида елан қилиниши диққәт қозғиди.

Бу һәқтики хәвәрдә, хотән вилайитигә тәстиқланған аз санлиқ милләтләр тәрәққияти мәблиғиниң алдинқи йилға қариғанда 30.86 Пирсәнт ашурулғанлиқи тилға елинған. Чәтәлләрдики бир қисим көзәткүчиләр болса буни хитай һөкүмитиниң уйғур елида йүргүзүватқан "бир қолда юмшақ, бир қолда қаттиқ болуш" сияситиниң бир парчиси, дәп баһалиди.

Хитай һөкүмити 2009-йилидики 5-июл үрүмчи вәқәсидин кейинму районға һалқима тәрәққият үчүн зор мәбләғ салған. Әмма нурғун кишилик һоқуқ органлири уйғурларға баравәр муамилә қилмай туруп селинған бу мәбләғниңму район хәлқигә пайда әп кәлмәйдиғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт