Уйғур елидики бастурушларда хитай елан қилған санлиқ мәлуматлар хәлқара җәмийәтниң күчлүк гуманини қозғимақта

Мухбиримиз қутлан
2014-09-08
Елхәт
Пикир
Share
Принт

Бирләшмә агентлиқниң бүгүнки хәвиригә қариғанда, уйғур елида йүз бәргән қанлиқ вәқәләрдә хитай һөкүмити елан қилған санлиқ мәлуматлар хәлқара җәмийәтниң күчлүк гуманини қозғимақтикән.

Болупму, йәкәндики қанлиқ бастуруштин кейин хәлқара җәмийәтниң хитай һөкүмәт таратқулири елан қилған вәқәдә өлгән вә тутқун қилинған кишиләрниң саниға болған гумани барғансери күчәйгәнлики мәлум.

Бейҗиңниң уйғур елида йүз бәргән җиддий вәқәләрниң учурини қаттиқ қамал қилиши һәмдә уни ахбаратқа ашкарилаштики монополлуқ сиясити хәлқарадики әркин ахбарат органлирини амалсиз қалдурған. Униң үстигә, хитай һөкүмитиниң чәтәл мухбирлирини нәқ мәйданға беришқа йол қоймаслиқи вә башқа һәрқандақ мустәқил тәкшүрүш органлириниң райондики җиддий вәқәләрни нәқ мәйдандин көзитишигә рухсәт қилмаслиқи бу һәқтики гуманларни техиму илгири сүргән.

‏«Немә вәқә йүз бериватқанлиқини зади ким әйнән дәп берәләйду? -дәп соал қойиду инсан һәқлирини көзитиш тәшкилатиниң башлиқи софийә ричардсон ханим, -шинҗаң даирилириниң бу һәқтики баянатлири гуманлиқ вә униң ишәнчлик дәриҗиси кәмчил.»

Пикирләр (0)
Share
Толуқ бәт