Uyghur rayonidiki saqchi, sot orunliri wezipini toluq orundashta xitay boyiche birinchi bolghan

Muxbirimiz jewlan
2022.03.25
Share on WhatsApp
Share on WhatsApp

“Xitay xewerliri tori” ning 25-mart künidiki xewirige qarighanda, “Shinjang jama'et xewpsizlik organliri” 2021-yil qatilliq délolirini pash qilishni 100 pirsentke yetküzüp, xitay boyiche birinchi bolghan.

Xewerde éytilishiche, “Shinjang j x nazariti” yéqinqi yillardin munasiwetlik qa'ide, méxanizmlarni sinaq teriqiside ijra qilghan bolup, mutexessisler guruppisi teshkillesh, zor qatilliq weqelirini etrapliq muhakime qilish, yoqap ketkenlerning ziyankeshlikke uchrishining aldini élish qatarliq tedbirlerni qollan'ghan. J x organliri “Bir délogha bir arxip turghuzush” ölchimini yolgha qoyup, délo tepsilatini retlesh, ötmüsh matériyallirini toluq toplash, guwahchilar bilen qayta körüshüsh, namsiz jesetlerning, yoqap ketken yaki ziyankeshlikke uchrighuchilarning uchurlirini toluq retlesh arqiliq délo pash qilishqa kéreklik uchur menbesini shekillendürgen. “Yüz yilliq ispat” nishanini tiklep, chongqur tekshürüsh arqiliq muhim yip uchini igilep, tarixqa aylinip ketken bir türküm kona qatilliq délolirinimu pash qilghan.

Uningdin bashqa, aptonom rayonluq yuqiri sot mehkimisi 23-mart küni axbarat yighini échip, 2021-yildin buyan her qaysi sot mehkimilirining 17 ming 600 heq-telep dewasini bir terep qilghanliqini élan qilghan. Buning ichide chong-kichik karxanilar, dölet karxaniliri otturisidiki pul-mu'amile majirasigha a'it 4000 heq-telep dewasi bir terep qilin'ghan.

Közetchilerning bildürüshiche, xitayning “Kona qatilliq délolirini bir terep qilduq” déginide nurghun gumanliq isharetler bar. Xitay hökümiti 5 yildin béri lagérlarda iz-déreksiz yoqitiwetken insanlarmu emeliyette namsiz jesetler bolup, buning qatilliri kimler, xitay hökümiti buningmu arxipini turghuzup chiqalamdu? sot mehkimisi élan qilghan heq-telep dewaliri ichide peqet karxanilarning pul-mu'amile majirasidin bashqa, soralmighan yaki naheq soralghan minglighan dewalar bar, sotchilar xalighanche höküm chiqiridu, hetta sotlimayla késidu, emeliyette xitayning Uyghur rayonidiki basturush siyasitini ijra qilidu. Héchqandaq qanuniy tertip bolmighan ehwalda elwette bu rayondiki saqchi bilen sotchining ijra'at sür'iti xitay boyiche eng téz bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet