Uyghur diyarining herqaysi jaylirida "Partiye qurulushi" ning téximu kücheytilidighanliqi melum bolmaqta

Muxbirimiz eziz
2020-01-15
Élxet
Pikir
Share
Print

Xitay hökümiti bashqurishidiki "Tengritagh tori" ning 14-yanwardiki xewiride éytilishiche, Uyghur aptonom rayonluq partkomning sékrétari chén chu'en'go shu küni échilghan "2019-Yilliq wilayet-oblast-sheher partkom sékrétarlirining asasiy qatlam partiye qurulushini tutush ehwalini bahalash yighini" gha qatnashqan hemde muhim "Yolyoruq" bergen.

Chén chu'en'go yighinda "Shi jinpingning shinjang xizmiti heqqidiki muhim körsetmilirini qet'iy ijra qilish" ni alahide tekitligen. Shuning bilen birge herqaysi partkom sékrétarliridin "Partiyening yéngi dewrdiki shinjangni idare qilish istratégiyesini éghishmastin ijra qilip, ijtima'iy muqimliq we uzaq mezgillik eminlikke kapaletlik qilish" ni telep qilghan. Shu qatarda kélerki xizmet yilida ching tutup ishleshke tégishlik yette türlük xizmet wezipisini belgilep, buningdin kéyinki "Partiye qurulushi" xizmitide yéngi bösüsh yaritishni tekitligen.

Melum bolushiche, Uyghur diyardiki her derijilik hakimiyet orunlirida partiye rehberliki herqachan xitay kadirlirining qolida bolup kelgen. Bir qisim analizchilar bu heqte pikir qilip, bu xildiki "Partiye qurulushi" ni kücheytish chaqiriqining ötken birnechche yildiki siyasiy boran-chapqunda aman qalghan az sandiki Uyghur rehbiriy kadirlarni yoqitishni öz ichige alghan yéngi bir basturushning bishariti bolushi mumkin, déyishti.

Toluq bet