Хитай һөкүмити уйғур райондики юқум әһвалида төвәнләш болғанлиқини илгири сүрмәктә

Мухбиримиз ирадә
2020-08-13
Елхәт
Пикир
Share
Принт

Уйғур аптоном районлуқ даириләр 12-авғуст саәт 0 дин 24:00 гичә болған арилиқта уйғур елидә йеңидин таҗсиман вирус билән юқумланған кишиләр санини 8 нәпәр, омумий юқумланғучини 505 нәпәр, көзитиш астида туруватқан адәм сани 13548 нәпәр, дәп елан қилди.

Юқириқи бу рәқәмләрдә илгири елан қилинған санлиқ мәлуматлардин төвәнләш көрүлгәнлики мәлум.

Чәтәлләрдики уйғур көзәткүчиләр уйғур елидики юқум әһвалиға аит истатескилар интайин чәклик болуш билән биргә, даириләрниң уйғур елидики юқумни тизгинләш үчүн қоллиниливатқан тәдбирлириниң дәриҗидин ташқириқи зорлуқидин қариғанда, хитайниң юқум һәққидә елан қиливатқан санлиқ мәлуматлирини ишәнчлик әмәс, дәп қаримақта. Мәсилән, хитай даирилири үрүмчидә юқумланғучи санини 8, қәшқәрдә юқумланғучи санини һәр күни бир нәпәр дәп көрсәтсиму, бирақ райондики қамалниң һелиһәм аяғлашмаслиқи диққәт қозғайдикән.

Хитайниң шинхуа тори 13-авғуст тарқатқан инглизчә хәвиридә үрүмчидики тәхминән 4 милйон аһалә өйлиридә қамал астида туруватқанлиқини, шуңа бәзи аһалиләр өйдә узун муддәт қамалғандин кейин роһий сағламлиқ мәсилисигә дуч кәлгәнликини билдүргән.

Хәвәрдә писхика мәслиһәтчилириниң түрлүк амаллар арқилиқ кишиләргә тор арқилиқ писхика ярдими бериватқанлиқи тәшвиқ қилинған. Бирақ көзәткүчиләр хәвәрниң райондики юқумниң көлими вә униң сәлбий тәсирлирини йорутуп бериштә роли барлиқини билдүрмәктә.

Пикирләр (0)
Share
Толуқ бәт