Wang yangning sözliri Uyghur diyaridiki basturushning dawam qilidighanliqidin bisharet berdi

Muxbirimiz eziz
2021-03-26
Share

25-Mart küni Uyghur aptonom rayonluq hökümet herqaysi nazaret we idarilerning bashliqlirining qatnishishida kéngeytilgen yighin chaqirip xitay memliketlik siyasiy kéngeshning re'isi wang yangning ürümchi we bashqa jaylardiki tekshürüsh pa'aliyiti jeryanida sözligen sözlirining "Rohini öginish" ni bashlighan.

Xitay bashqurishidiki "Tengritagh" torining 26-marttiki xewiride éytilishiche, wang yangning sözliridiki muhim nuqtilar "Shi jinping dewridiki shinjangni idare qilish istratégiyilirini hemde ijtima'iy muqimliq we uzaq mezgillik eminlik" ni ishqa ashurushtin bashqa "Üchinchi qétimliq 'shinjang xizmiti yighini'ning rohini aydinglashturiwélish", "Uzun mezgillik eminlikke boshashmas hushyarliq we üzülmes saqchi güdüki arqiliq képillik qilish", "Ortaq tarix we ortaq til arqiliq jongxu'a ortaq gewdisige aylinishni yükseldürüsh", "Islam dinini xitaychilashturushni tézleshtürüsh" qatarliqlar iken.

Analizchilar bu heqte toxtilip "Bu xitay da'irilirining nöwettiki Uyghurlarni basturushtek fashistik tedbirlirini téximu zor kölemde dawam qilish heqqide jar salghanliqidin bashqa nerse emes. Uyghurlarning hazir ghezeplinish heqqimu qalmighan bolsimu, xitay hökümiti buningghimu razi bolmastin Uyghurlarni üzél-késil yoq qiliwétishni qestlimekte" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet