Xitay tashqi ishlar ministiri fransiyedimu namayishchilarning küchlük qarshiliqigha duch keldi

Xitay tashqi ishlar ministiri wang yi 25-awghust bashlan'ghan 6 künlük yawropa ziyaritining her békitide Uyghur, xongkong, tibet we teywen namayishchilirining küchlük qarshiliqigha duch kelmekte. 28-Awghust norwégiyediki ziyaritini axirlashturup firansiyege yétip barghan wang yi bu yerdimu küchlük qarshiliqqa uchridi. Uyghur, xongkong we tibetlerni qollaydighan namayishchilar 28-awghust etigende firansiye tashqi ishlar ministirliqining yénida namayish qilghan.

Namayishchilar firansiye hökümitining kishilik hoquqni aldinqi orun'gha qoyushi, xitayning Uyghur, tibet we xongkongliqlargha ziyankeshlik qilishini toxtitishqa chaqirishini telep qilghan.

Jüme küni yene firansiye Uyghur jem'iyiti bilen erkin tibet oqughuchilar herikitimu firansiye tashqi ishlar ministirliqi yénida toplan'ghan bolup, shu küni yaponiyening tokyo, awstraliyening adilayt, gémaniyening frankfurt, amérikaning washin'gton sheherliride ötküzülgen Uyghur diyaridiki jaza lagérlirigha qarshi zenjirsiman namayishlargha awaz qoshqan.

Ular firansiye prézidénti makron we tashqi ishlar ministiri lé diriyanning wang yi bilen körüshkende xitayning Uyghur, tibetlerni basturushigha ashkara qarshi chiqishini telep qilghan. Melum bolushiche, wang yi 30-awghust küni firansiye xelq'ara munasiwetler tetqiqat institutidiki bir pa'aliyetke qatnishidiken. Bu heqtiki xewerlerde firansiye Uyghur jem'iyiti bilen erkin tibet oqughuchilar herikitining shu küni wang yigha qarshi yene yighilish ötküzüdighanliqi ilgiri sürüldi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar