Хәлқара кәчүрүм тәшкилати бу йилқи доклатида хитай қатарлиқ дөләтләрдә тән җазаси еғирлиқини билдүрди

Мухбиримиз меһрибан
2014-05-13
Елхәт
Пикир
Share
Принт

Мәркизи лондондики хәлқара кәчүрүм тәшкилати 13-май, сәйшәнбә күни 2014-йиллиқ хәлқара тән җазаси доклатини елан қилди.

Доклатта дейилишичә, асия-тинч окян районидики 23 дөләттики тәкшүрүш нәтиҗисидин бу районда тән җазасиниң омумийлиққа айланғанлиқини көрүвелишқа болиду. Хитай, шималий корейә қатарлиқ дөләтләрдә гумандарларни қийнап иқрар қилдуруш әһвали еғирлашқан.

Хәлқара кәчүрүм тәшкилатиниң доклатида йәнә, асия -тинч окян районидики дөләтләрдә тән җазаси иҗрачилириниң узун йиллардин буян җазаға тартилмиғанлиқи вә тән җазасиға учриғучилар үчүнму һечқандақ төләм берилмигәнлики алаһидә тилға елинип, бу дөләтләр һөкүмитидин қануний бәлгилимиләр арқилиқ тән җазасини чәкләшни йолға қоюш тәләп қилинған.

Пикирләр (0)
Share
Толуқ бәт