Чеграсиз мухбирлар тәшкилати хитайниң ахбарат әркинлик вәзийитини тәнқид қилди

Дуня йеник атлетика мусабиқиси 22‏-авғуст бейҗиңда башлиниду. Мусабиқә башлиниш һарписида чеграсиз мухбирлар тәшкилати хитайниң ахбарат әркинлик вәзийитини тәнқид қилди.

Тәшкилат 21‏-авғуст елан қилған баянатида: "чеграсиз мухбирлар тәшкилати дуня йеник атлетика мусабиқисиниң ечилиш һарписида, хитай һакимийитиниң ахбарат әркинликини давамлиқ чәкләштәк истибдат тәбиитини тәнқидләйду" дегән.

Улар йәнә, мусабиқә нәтиҗиси қандақ болушидин қәтий нәзәр хитайниң йәнила 176‏-орунда туридиғанлиқини әскәртип, хәлқара олимпик комитетини тәнқид қилған.

Баянатта мундақ көрситилгән: "хәлқара олимпик комитетиниң 2022‏-йиллиқ қишлиқ олимпикни хитайға бериши, дуня йеник атлетика мусабиқисиниң бейҗиңда өткүзүши, униң кишилик һоқуқ бузғунчилиқиға писәнт қилмайдиғанлиқиниң йәнә бир дәлили."

Чеграсиз мухбирлар тәшкилати йеқинда елан қилған 2015‏-йиллиқ дуня ахбарат әркинлики көрсәткүчидә, хитайниң ахбарат әркинликини дунядики 180 дөләт ичидә 176‏-орунға тизған иди.

Чеграсиз мухбирлар тәшкилати баянатида, һазир бирәр йүздәк журналист вә тор язғучисиниң хитай түрмилиридә йетиватқанлиқини, уларниң ичидә гав йүгә охшаш атақлиқ журналистларниң барлиқини тәкитлигән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар