Xitay hökümiti amérikidiki soféy richarson qatarliq 7 neper pa'aliyetchi, emeldar we apparatlargha émbargo qoyghan

Muxbirimiz erkin
2021-07-23
Share

Xitay tashqi ishlar ministirliqi 23-iyul amérikadiki 7 neper kishilik hoquq pa'aliyetchisi, emeldar we apparatlargha öch élish xaraktérlik émbargo qoyghan. Xitay tashqi ishlar ministirliqi bayanatchisining éytishiche, bu qarar amérikining yéqinda élan qilghan "Xongkong soda agahlandurushi" gha qarita chiqirilghaniken. Amérika hökümiti ötken jüme küni xitayning xongkongda turushluq alaqilishish bashqarmisining xongkongdiki basturushta rol oynighan 7 neper emeldarigha émbargo qoyghan shundaqla yene amérika shirketlirini agahlandurghanidi.

Melum bolushiche, xitay terep ibargo qoyghan shexs we apparatlar sabiq amérika soda ministiri wélbur rus, amérika dölet mejlisige qarashliq amérika-xitay bixeterlik-iqtisadi közitish komitétining re'isi karolin bartéloméyow, xitay ishliri komitétining sabiq ishxana diréktori jonatan stiwérs, amérika xelq'ara jumhuriyetchiler institutining xongkongda turushluq wekili adam king, amérika xelq'ara démokratlar institutining programma yardemchisi kim do yün, xongkong démokratiye komitéti we kishilik hoquq közitish teshkilati xitay bölümining diréktori soféy richardson qatarliqlarni ö ichige alidiken.

Soféy richardson, kishilik hoquq közitish teshkilatining xitayning Uyghur élidiki yuqiri téxnikiliq nazaret sistémisi qurup, az dégende bir milyon 800 ming Uyghurni lagérlargha qamishi, Uyghur medeniyiti we tilini cheklishi, yüz minglighan Uyghurni mejburiy emgekke sélishi, Uyghurlarning bi'ologiyelik uchurlirini yighip, d n a ambiri qurushini pash qilish we höjjetleshtürüshte halqiliq rol oynighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet