Канададики аммиви тәшкилатлар тредо һөкүмитиниң хитай әмәлдарлирини җазалишини тәләп қилиш һәрикити башлиди

Мухбиримиз әркин
2020-01-20
Елхәт
Пикир
Share
Принт

Канададики аммиви тәшкилатлар тредо һөкүмитиниң «канада магнетиский қануни» ни ишқа селип, хоңкоң, тибәт вә уйғур диярида кишилик һоқуқни дәпсәндә қиливатқан хитай әмәлдарлирини җазалишини тәләп қилиш һәрикити башлиған.

Канададики «йәр шари хәвәрлири» телевизийә қанилиниң 19‏-январ күнидики хәвиридә баян қилишичә, мәмликәт характерлик бу һәрикәт 19‏-январ күни торонтодики шималий йорк аммиви мәркизидә башланған. Канададики кишилик һоқуқни қоғдиғучилар канаданиң «магнетиски кишилик һоқуқ қануни» ни ишлитип, уйғур районидики кишилик һоқуқни дәпсәндә қиливатқан хитай әмәлдарлирини җазалишини тәләп қилип кәлгән болсиму, лекин тредо һөкүмити һазирғичә мәзкур қанунни ишқа селип бақмиған иди.

«Йәр шари хәвәрлири» ниң хәвиридә 19‏-январ күни өткүзүлгән шималий йорк аммиви мәркизидики паалийәткә қанун саһәсидики мутәхәссисләр вә канададики хоңкоң, тибәт, уйғур тәшкилатлириниң вәкиллириниң қатнашқанлиқини билдүргән. «Канада магнетиский кишилик һоқуқ қануни» да дуняниң һәр қайси җайлирида кишилик һоқуқни дәпсәндә қилғучиларға қарита пул-муамилә, сода саяһәт ембаргоси йүргүзүш бәлгиләнгән.

Канададики мәк-доналд-лавреир аммиви сиясәт институтиниң адвокати маркуз колгар «йәр шари хәвәрлири» гә сөз қилип, «әгәр биз ембарго қойсақ бу шәхсләр, әмәлдарлар вә кишилик һоқуқни дәпсәндә қилғучиларниң канадада пул сақлишиға йол қоюлмаслиқи, әгәр пул сақлиған болса мусадирә қилишимиз, саяһәт қилишиға йол қоймаслиқимиз керәк,» дегән. Мәзкур паалийәткә қатнашқан уйғур паалийәтчи мәмәт тохти хитайниң уйғурларға қиливатқан бузғунчилиқиниң тәсири һәққидә тохтилип, «бу ялғуз мән үчүнла әмәс, пүтүн уйғурлар үчүн бир психологийәлик йимирилиштур. Чүнки сиз аниңизниң өлүк яки тирикликини билмәйсиз,» дегән. «Канада магнитиский кишилик һоқуқ қануни» 2017‏-йили мақулланған иди.

Пикирләр (0)
Share
Толуқ бәт