Фуҗйән өлкисиниң башлиқи су шулин "аттин ғулиди"

Мухбиримиз ирадә
2015-10-08
Share

Хитай мәркизи интизам тәкшүрүш комитети чаршәнбә күни фуҗйән өлкисиниң муавин партком секретари, өлкә башлиқи су шулинниң "интизамға еғир дәриҗидә хилаплиқ қилиш" билән тәкшүрүшкә елинғанлиқини җакарлиған. Комитетниң тор бетидә елан қилинған бу хәвәрдә башқа ениқ мәлуматлар берилмигән.

Хитай хәлқ гезитидә ейтишичә, су шулин дачиң нефитликидә инженерлиқтин өсүп хитайниң әң чоң нефит ишләпчиқарғучиси болған җуңго нефит-химийә санаити ширкәтләр гуруһиниң баш директори вә партком секретарлиқ вәзиписини өтигән. У, 2011-йили фуҗйән өлкисиниң өлкә башлиқлиқиға тәйинләнгән.

Су шулин ши җинпиңниң чирикликкә қарши уруши бойичә тәкшүрүшкә елинған йәнә бир юқири дәриҗилик әмәлдар болуп, буниң билән һазирғичә ғулап чүшкән өлкә дәриҗилик әмәлдарниң сани 23 нәпәргә йәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт