Dana rorabahér: xitay xelqini yaxshi körimen, it göshi yésimu؛ emma hökümitini emes

Muxbirimiz shöhret hoshur
2018.02.21

Amérika awazi radiyosining ziyaritini qobul qilghan amérika dölet mejlisi ezasi dana rorabahér(Dana Rohrabacher), xitay-amérika munasiwiti heqqide mexsus pikir bayan qilghan.

Awam palataning tejribilik ezasi bolghan dana rorabahér xitay kommunist hakimiyitige qarshi meydanidiki qet'iyliki we üzlüksizliki bilen tonulghan.

U bu qétimqi söhbet xatiriside kommunistik hakimiyet, shimaliy koréye mesilisi, amérika-xitay soda urushi we xitaydiki kishilik hoquq mesilisi qatarliq mesililerde etrapliq pikir bayan qilghan. U bu qétimqi söhbiti dawamida özining xitaygha qarshi meydanining chégrasini éniq körsetken.

U muxbirning “Chaghan kéliwatidu, junggodiki anglighuchilargha qandaq sözliringiz bar?” dégen so'aligha mundaq jawab bergen:
“Amérikida bezi kishiler xitay xelqini it göshi yégenliki üchün yaxshi körmeydu, emma bilinishi kérekki, amérikidimu toshqan göshi qatarliq kichik haywanlarning göshini yeydighanlar bar, shunga men ularning it göshi yéyishige qarshi emes؛ köp sandiki amérikiliqlar xuddi manga oxshash, xitay xelqini yaxshi köridu, emma hökümitini emes؛ xitay hökümiti dunyaning kelgüsi tinchliqi üchün tehdit”.

Dana rorabahér  bu sözliridin kéyin yene özining xitay xelqining dosti ikenliki, yéqin kelgüside güzel bir dunya berpa qilish üchün xitay xelqi bilen hemkarlishishqa teyyar ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.