Afghanistanda tutulghan 10 xitay ishpyoni xitaygha qayturulghan

Muxbirimiz jewlan
2021-01-06
Share

"Hindistan waqit géziti" ning aldinqi küni xewer qilishiche, ötken yil 12-ayning 10-küni afghanistanning paytexti kabul shehride tutulghan 10 xitay ishpyoni xitaygha qayturulghan.

Afghanistan dölet xewpsizliki idarisi bu 10 xitayni jasusluqqa chétishliq jinayet bilen qolgha alghan bolup, ularning hemmisining xitay axbarat orgini üchün ishleydighanliqi melum bolghan. Afghanistan hökümiti bu jasuslarni qoyup bérish üchün xitayning kechürüm sorishini telep qilghan. Xitayning bu shertni orunlighan-orunlimighanliqi yaki bashqa wedilerni bérip, bu 10 xitayni qayturuwalghanliqi téxi éniq emes iken. Xitay tashqiy ishlar ministirliqimu bu heqte héchqandaq bayanat bermigen.

Bu xewerde bildürülüshiche, afghanistanning yuqiri derijilik bir emeldari bu xitay jasusliri ichide ikki ademning taliban'gha tewe térrorluq teshkilati "Heqqani tori" bilen munasiwiti barliqini éytqan. Afghanistan dölet xewpsizliki idarisining qarishiche, bu 10 xitay jasusi afghanistanda saxta "Sherqiy türkistan islam herikiti teshkilati" ni peyda qilmaqchi iken.

Tehlilchilerning qarishiche, amérika hökümiti ismi bar, jismi yoq "Sherqiy türkistan islam herikiti teshkilati" ni térrorluq tizimlikidin chiqiriwetkendin kéyin, xitay buninggha qarshi halda mezkur teshkilatning téxi mewjutluqini ispatlap, Uyghurlarni qayta térrorchi qilip körsitish üchün bu jasuslarni ishqa salghan bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet