Петер наваро: хитайни җавабкарлиққа тартишимиз керәк

Мухбиримиз әркин
2020-04-27
Share

Ақ сарайниң иқтисади мәслиһәтчиси петер наваро, корона вирусини дуняға хитайниң тарқатқанлиқи, униң җавабкарлиққа тартилиши керәкликини билдүргән. Америкадики фокус телевизийә қанилиниң 27-апрел хәвәр қилишичә, у хитайниң корона вирусини 6 һәптә йошуруп, бу җәрянда башқа дөләтләрниң маска қатарлиқ теббий лавазимат буюмлирини кәң көләмлик сетивелиш арқилиқ бу дөләтләрниң теббий лавазиматлирини қуруқдап қойғанлиқи шундақла вирусни италийәниң милан, американиң ню-йорк қатарлиқ шәһәрлиригә тарқитип, дуняви юқумни кәлтүрүп чиқарғанлиқини илгири сүргән.

Петер наваро, :» уларниң вирусни вухәндә контрол қилип туралиши мумкин иди, лекин ундақ қилмиди. Улар нәччә йүз миң хитайни айропиланда милан, ню-йорк вә башқа җайларға йоллап, уни дуняға тарқатти «дегән. Униң тәкитлишичә, хитай бу 6 һәптидә башқа дөләтләрдин 2 милярдтин артуқ маска сетивалған. Бу дөләтләрдики теббий қоғдиниш лавазиматлирини қуруқдап қоюп, бу дөләтләрдики теббий хадимларни еһтияҗлиқ қоғдиниш буюмлиридин мәһрум қойған.

Нөвәттә, америкада хитайни җавабкарлиққа тартиш һәққидики садалар күчәймәктә. Америка кеңәш палата әзаси там каттон хитайни җавабкарлиққа тартишни күчлүк тәшәббус қиливатқан сиясийонларниң бири. Униң фокус қанилиға билдүрүшичә, у хитай коммунист рәһбәрлириниң корона вирусини дуняға билип туруп мәқсәтлик тарқатқанлиқиға ишинидикән. Там каттон, уларниң вирусниң хитай биләнла чәклинип, хитайниң ниспий күчи вә дунядики орнини аҗизлаштурушини халимайдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.