Pétér nawaro: xitayni jawabkarliqqa tartishimiz kérek

Muxbirimiz erkin
2020-04-27
Share

Aq sarayning iqtisadi meslihetchisi pétér nawaro, korona wirusini dunyagha xitayning tarqatqanliqi, uning jawabkarliqqa tartilishi kéreklikini bildürgen. Amérikadiki fokus téléwiziye qanilining 27-aprél xewer qilishiche, u xitayning korona wirusini 6 hepte yoshurup, bu jeryanda bashqa döletlerning maska qatarliq tébbiy lawazimat buyumlirini keng kölemlik sétiwélish arqiliq bu döletlerning tébbiy lawazimatlirini quruqdap qoyghanliqi shundaqla wirusni italiyening milan, amérikaning nyu-york qatarliq sheherlirige tarqitip, dunyawi yuqumni keltürüp chiqarghanliqini ilgiri sürgen.

Pétér nawaro, :" ularning wirusni wuxende kontrol qilip turalishi mumkin idi, lékin undaq qilmidi. Ular nechche yüz ming xitayni ayropilanda milan, nyu-york we bashqa jaylargha yollap, uni dunyagha tarqatti "Dégen. Uning tekitlishiche, xitay bu 6 heptide bashqa döletlerdin 2 milyardtin artuq maska sétiwalghan. Bu döletlerdiki tébbiy qoghdinish lawazimatlirini quruqdap qoyup, bu döletlerdiki tébbiy xadimlarni éhtiyajliq qoghdinish buyumliridin mehrum qoyghan.

Nöwette, amérikada xitayni jawabkarliqqa tartish heqqidiki sadalar kücheymekte. Amérika kéngesh palata ezasi tam katton xitayni jawabkarliqqa tartishni küchlük teshebbus qiliwatqan siyasiyonlarning biri. Uning fokus qaniligha bildürüshiche, u xitay kommunist rehberlirining korona wirusini dunyagha bilip turup meqsetlik tarqatqanliqigha ishinidiken. Tam katton, ularning wirusning xitay bilenla cheklinip, xitayning nispiy küchi we dunyadiki ornini ajizlashturushini xalimaydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.