Хитай һоқуқ қоғдиғучиси бәш йиллиқ қамақ җазасиға һөкүм қилинди

Мухбиримиз үмидвар
2016-10-09
Share


Радиомиз гуаңдуң бөлүминиң хәвәр қилишичә, буниңдин үч йил илгири “нурлуқ җуңгоға йүрүш” паалийитини башлиғучи, һоқуқ қоғдиғучиси хуаң миңшүн йеқинда хубей өлкиси шйәнниң шәһәрлик оттура сот мәһкимиси тәрипидин “дөләт һакимийитини ағдурушқа урунуш” җинайити билән әйиблинип, бәш йиллиқ қамақ җазасиға һөкүм қилинип, сиясий һоқуқидин үч йил мәһрум қилинған.

Мәлум болушичә, бу йил 26 яшқа киргән хуаң миңшүн үстидин 9 - айниң 30 - күни сот ечип һөкүм елан қилиш бекитилгән болсиму, әмма униң үстидин чиқирилған сот һөкүминиң вақти 9 - айниң 28 - күни болған.

Хуаң миңшүн өзиниң башқа төт сәпдеши билән биргә 2013 - йили, гуаңдуңдин “нурлуқ җуңго чүшини әмәлгә ашуруш йүрүши”дәп аталған паалийәтни башлап, 2013 - йили, 5 - айниң 25 - күни хубей өлкисиниң чиби шәһиригә келип, шәһәрлик һөкүмәт алдида демократийини тәшвиқ қилип, аммини демократийини илгири сүрүшкә чақирғанда сақчилар тәрипидин 1 5күнлүк мөһләт билән тутуп турулушқа учриған, әмма, ахирида хуаң миңшүн вә униң икки сәпдеши рәсмий қолға елинған.

Хуаң миңшүн әнә шуниңдин тартип тутуп туруш орнида ятқиниға үч йил төт айда болғанда униңға бәш йиллиқ қамақ җазаси һөкүми қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт