Сенатор рик скот: "хитай тәрипидин алданмайли"

Мухбиримиз җәвлан
2020-12-02
Share

"оюнларниң ичидә" (Inside the games) ториниң йеқинда хәвәр қилишичә, кишилик һоқуқни көзитиш тәшкилати хәлқара олимпек комитетини бәзи мәсилиләрни һәл қилиштин аввал хитайда олимпек мусабиқисини өткүзмәсликкә чақирған.

Кишилик һоқуқни көзитиш тәшкилати хәлқара олимпек комитетини агаһландуруп мундақ дегән: "хитай һазир тйәнәнмен вәқәси йүз бәргән вақиттикидәк еғир дәриҗидә пуқралирини бастуруш вәзийитидә туруватиду. Бу әһвалда хитайниң йәнә олимпек мусабиқисини өткүзүш һоқуқини қолға кәлтүрүши олимпек қаидисини астин-үстүн қилғанлиқтур. Хитай йиғивелиш лагерлириға қамалған милйонлиған уйғур мусулманлирини қоюп бәрмигичә, 2032-йиллиқ олимпек мусабиқисини өткүзүшкә илтимас қилишқа йол қоюлмаслиқи керәк".

Хәвәрдә ейтилишичә, хитай 2032-йиллиқ хәлқара олимпек мусабиқисини чеңду билән чуңчиң шәһридә өткүзүш тоғрулуқ музакирә елип бериветипту. Бу тәклип алдинқи һәптә хитайниң бир һөкүмәт һөҗҗитидә елан қилинған.

Кишилик һоқуқни көзитиш тәшкилатиниң мәсули минки вордин (Minky Worden) хәлқара олимпек комитетиниң йиғилишида, хитайда еғир дәриҗидә инсанийәткә қарши җинайәт барлиқини ейтқан вә зор көләмлик йиғивелиш лагерлириға соланған уйғурларни мисал кәлтүрүп, бу мәсилиләр һәл болмғичә у йәрдә олимпек мусабиқиси өткүзүшни ойлашмаслиққа чақирған.

Буниңдин илгири көплигән кишилик һоқуқ тәшкилатлири вә уйғур тәшкилатлири бирлишип хәлқара олимпек комитетини 2022-йиллиқ қишлик олимпек мусабиқисини өткүзүшни әмәлдин қалдурушқа чақириқ қилғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт