Xitay hökümiti quyash énirgiyesi taxtisining mejburiy emgek bilen chétishliq emeslikini ispatlap bérelmigen

2022.08.11
Share on WhatsApp
Share on WhatsApp

Xitay hökümiti amérikagha éksport qilghan quyash énirgiyesi taxtisigha ishlitilgen xam eshyaning Uyghur rayonidiki mejburiy emgek bilen chétishliq emeslikini ispatlap bérelmigen.

“Amérika xewerliri” torida élan qilin'ghan mezkur xewerde éytilishiche, “Uyghur mejburiy emgikining aldini élish qanuni” (UFLPA) ijra qilin'ghandin kéyin, xitayning amérikagha zor miqdarda éksport qiliwatqan quyash énirgiyesi taxtisi, paxta toqumichiliq mehsulatliri we bashqa malliri tamozhnida tutup qéliniwatqan bolup, xitay shirketliri bu mehsulatlarni ishlepchiqirishta Uyghurlarni qul qilip ishletmigenliki heqqide héchqandaq ispat körsitip bérelmigen.

Amérika tamozhnisi xitay shirketliridin quyash énirgiyesi taxtisigha ishlitilidighan kirstalliq kirémnining muhim maddisi bolghan ku'artizni qézish ishlirigha mejburiy emgek küchlirini ishletmigenlikini ispatlashni telep qilghan, emma xitay shirketliri buni ispatlap bérelmigen؛ melum bolushiche, Uyghur rayonidiki kirimnéy we ku'artiz kanlirida mejburiy emgek séliniwatqanlar köp bolup, bularning köpinchisi türme-qamaqxanilargha yaki atalmish “Qayta terbiyelesh orunliri” gha solan'ghanlar iken.

Xewerde éytilishiche, amérika we bashqa döletlerde quyash énirgiyesi taxtisigha bolghan éhtiyaj éship barghanche, xitaydiki mejburiy emgek depsenchiliki téximu éghirlaydiken. Halbuki, xitay hökümiti bu rayonda musteqil tekshürüshke yol qoymighanliqi üchün xitayning teminlesh linyeside Uyghurlarni qul qilish jinayitining ariliship qalghan-qalmighanliqini ispatlap bérish nahayiti müshkül iken.    

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.