Xelq'araliq dangliq markilarning Uyghur mejburiy emgikige chétishliq xitay shirkiti bilen izchil soda qiliwatqanliqi ashkarilandi

Muxbirimiz erkin
2022-01-14
Share

Xitayning bash shtabi xongkongdiki “Yida guruhi” namliq shirkitining mehsulatliri Uyghur mejburiy emgikige chétishliq, dep amérika soda ministirliqi teripidin cheklen'gen bolsimu, “Hyugo bös” ni ‍öz ichige alghan bezi dangliq xelq'ara markilarning uning bilen dawamliq soda qiliwatqanliqi ashkarilandi. “Bazféd xewerliri” agéntliqining éytishiche, hyugo bös, tomi hélfégir qatarliq dangliq markilar ötken yili “Yida guruhi” ning mehsulatlirini dawamliq amérikagha élip kirgen.

Xewerde, hyugo bös özlirining mehsulatlirini “Shinjang paxtisi” da ishlepchiqirilmighan, dep bazargha salsimu, biraq mejburiy emgekning Uyghurlar rayonida keng tarqalghanliqi, hökümetning uchurni mutleq kontrol qilishi tüpeyli teminat zenjirining mejburiy emgekke chétilghanliqini éniqlash mumkin emesliki tekitlen'gen. “Yida guruhi” mejburiy emgekke chétishliq ikenlikini ret qilsimu, biraq uning mehsulatlirigha “Shinjang paxtisi” ishlitidighanliqi melum. Amérika hökümiti 2020-yili 7-ayda “Yida guruhi” ning sanjidiki bir zawutining mejburiy emgekke chétilishi seweblik bu zawutning mehsulatlirini chekligen.

“Bazféd xewerliri” ning ashkarilishiche, amérika “Yida guruhi” ning sanjidiki zawutining mehsulatlirini chekligen bolsimu, biraq u gu'angdung ‍ölkisidiki zawutlirining mehsulatlirini dawamliq amérikagha éksport qilip kelgen. Uning gu'angdungdiki zawutliri Uyghurlar rayonidiki zawuti bilen dawamliq hemkarlashqan.

Xewerde éytilishiche, meyli hyugo bös, tomi hilfégér yaki ralf la'urén bolsun “Yida guruhi” ning mehsulatlirining nedin kelgenlikini qayta-qayta sorighan bolsimu, éytip bermigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet