Һиндистанда чиқидиған «сиясийон» (The Statesman) хәвәр тори 8-июл бәргән хәвиридә хитайниң җәнубий деңиздики аралларни талишиватқанлиқини тәнқидләп, «хитайниң достлиридин дүшмини көп» дегән.
Хәвәрдә хитайниң вийетнам, филиппин, малайсия қатарлиқ дөләтләрниңму игилик һоқуқиға тәһдит пәйда қиливатқанлиқини тәкитләп, «йәр шаридики қериндашлиқниң хитайға қарши ойғинидиған вақти кәлди,» дейилгән.
Хәвәрдә йәнә хитайниң б д т вә явропа иттипақиниң бесимға қаримастин уйғур диярида йиғивелиш лагерлирини кеңәйткәнлики вә чекидин ашқан зулум сиясәтлирини қоллинип, районда кишилик һоқуққа еғир дәриҗидә дәхли-тәруз қиливатқанлиқи әскәртилгән. Хәвәрдә тәтқиқатчи адриян зензниң доклати тилға елинип, хитайниң уйғурларға йүргүзүватқан зулуминиң чәктин ашқанлиқи, бу зулумниң пүтүн дуняға хитай тоғрилиқ җиддий агаһландуруш болуши керәклики тәкитләнгән.
