Австралийә өктичи партийәси рәһбири: “хитайниң тинч ‍окяндики тәһдити һава килимат ‍өзгиришидинму хәвплик”

Мухбиримиз әркин
2022.07.18
Share on WhatsApp
Share on WhatsApp

Австралийә парламент әзаси, либераллар партийәсиниң рәһбири, сабиқ австралийә дөләт мудапиә министири петер датон, “хитайниң тинч ‍окян районида күнсери күчийиватқан һәрбий хирисиниң һава килимат өзгиришидинму хәвплик икәнлики” ни билдүргән.

Австралийә “асман хәвәрлири” қанилиниң хәвәр қилишичә, австралийәниң сабиқ баш министири моррисон һөкүмитидә дөләт мудапиә министирилиқ вәзиписини өтигән петер датон, канберра һөкүмитиниң бейҗиң билән болған сөһбитини қарши алидиғанлиқи, бирақ бейҗиңниң кишилик һоқуқ дәпсәндичилики вә һәрбий тәйярлиқини җавабкарлиққа тартишни тәләп қилған. Петер датонниң ейтишичә, “австралийә һөкүмити хитай билән болған сөһбәттә әстайидил болуши, хитайдин кишилик һоқуқ дәпсәндичилики вә һәрбий тәйярлиқларда немә ишларниң болуватқанлиқиға чүшәнчә беришни тәләп қилиши керәк” икән.

У мундақ дегән: “һөкүмәт хитайдин бу учришиш вә музакириләрни яхши нийәт билән елип барған-бармиғанлиқи, яхши нийәтниң бир бешарити сүпитидә униң изчил давамлишиватқан һәрбий кеңәймичиликини тохтитишини тәләп қилиши керәк”.

Петер датон, һазирқи австралийә “әмгәкчиләр партийәси” һөкүмитиниң дөләт мудапиә министири ричард марлесниң килимат өзгириши тинч окяндики әң чоң тәһдит, дегән сөзини тәнқидләп: “килимат мәсилиси муһим мәсилә, бирақ шуанда һинди-тинч окяндики әң чоң бихәтәрлик мәсилиси хитай вә униң таҗавузчилиқ һәрикитидур” дегән.

Мәлум болушичә, ‍охшаш бир вақитта йәнә әнглийәниң сабиқ министири тоний блайерму ғәрб дөләтлирини хитай тәһдитидин агаһландурған. У, ғәрб дөләтлирини бир йәргә җәм болуп, хитайниң “дунядики 2-дәриҗидин ташқири чоң дөләт” болуп қәд көтүрүшигә тақабил туруш истратегийәси түзүп чиқишқа чақирған.

“яху хәвәрлири” ниң 16-июл билдүрүшичә, тоний блайер “дичлей фонди җәмийити” дә сөзлигән йиллиқ лексийәсидә, әгәр хитайға үнүмлүк тақабил турмиса, “ғәрбниң сиясий, иқтисадий һөкүмранлиқ дәври ахирлишидиғанлиқи” ни ейтқан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.