Уйғур елидә 2014-йили қолға елинғанлар ‏бир һәссә көпәйгән

Мухбиримиз әркин
2015-01-23
Share

Уйғур елидә 2014‏-йили тәптиш даирилири тәрипидин әйиблинип рәсмий қолға елинған адәм 2013‏-йилға қариғанда бир һәссә көпәйгән. Анализчилар, бу хитайниң 2014‏-йили 5‏-айда башлиған "террорлуқ" қа қарши қаттиқ зәрбә бериш һәрикити билән мунасивәтлик, дәп көрсәтти.

Уйғур аптоном районлуқ юқири тәптиш мәһкимисиниң башлиқи нишан ибраһимниң ашкарилишичә, тәптиш даирилири 2014‏-йили җинайи гуман билән 27164 адәмни қолға елишни тәстиқлиған. Бу сан, 2013‏-йили қолға қолға елинған омумий адәм санидин 95% көп икән.

Қолға елинғанларниң бир йил ичидә шиддәтлик көпийиши кишилик һоқуқ тәшкилатлириниң дәрһал диққитини қозғиди. Д у қ баянатчиси дилшат ришит: "бу, шәрқий түркистанда бастурушниң қанчилик шиддәтлик кетиватқанлиқини көрситиду" деди.

Униң илгири сүрүшичә, нөвәттә хитай һөкүмити уйғурларни барлиқ хәлқара әһдинамә, қанун тәртипләрни қайрип қоюп бастурмақта икән.

Нишан ибраһим пәйшәнбә күни уйғур аптоном районлуқ хәлқ қурултийи йиғинида бәргән доклатида, "биз террорлуққа алақидар зор делоларда қолға елиш билән җазалаш вақтини қисқарттуқ. Имканийәтниң баричә тез сотлап, террорлуққа қарши күрәштики қәтийликимизни испатлидуқ" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт