Xitayning muhim sana'et bazisi bolghan changchün shehiri yuqum sewebidin qamal qilin'ghan

Muxbirimiz erkin
2022.03.14
Share on WhatsApp
Share on WhatsApp

Korona wirusi yuqumining qayta partlishi sewebidin xitay hökümiti 11-marttin bashlap, xitayning muhim sana'et bazilirining biri bolghan changchün shehirini qamal qilghan, shundaqla xitayning pul-mu'amile we soda merkizi bolghan shangxey shehiride mekteplerni taqighan. Shénjén shehri halqiliq ammiwi mulazimet orunliridin bashqa barliq orunlarning ishlepchiqirishini toxtatqan yaki puqralarni ‍öyide ishleshke buyrughan. Melum bolushiche, da'iriler xitayda 11-mart küni korona wirusi yuqumining tarqilishi yéqinqi ikki yildin buyanqi eng yuquri chekke yetkendin kéyin alaqzadilikke chüshüp, yuqiriqi tedbirlerni élishqa bashlighan iken.

Fransiye agéntliqining xewer qilishiche, jilin ‍ölkisining merkizi bolghan 9 milyon nupusliq changchün shehiride puqralarning sirtqa chiqishi cheklen'gen, peqet her bir a'ilidin bir kishining ikki künde bir qétim sirttqa chiqip, “Kündilik turmush buyumliri” ni sétiwélishigha yol qoyulghan.

Mezkur sheherde yene ammiwi qatnas wastiliri toxtitilghan, mektep we soda orunliri taqalghan, puqralargha keng kölemlik emlesh élip bérilishqa bashlighan. Melum bolushiche, 2020-yilining bashliri xitayning wuxen shehiride korona wirusi tarqilishqa bashlighan deslepki mezgildin buyan, ötken jüme küni, yeni 11-mart küni tunji qétim xitayda yuqumdarlarning sani 1000 din éship, resmi yuqumdarlar 1369 gha yétip barghan.

Korona wirusi yuqumi 2019-yilning axirliri xitayning wuxen shehiride bayqalghan bolsimu, lékin xitay hökümiti yuqumni bir mezgil yoshurghan, shundaqla yuqumdarlarning sanini azaytip élan qilip, yuqum bayqalghan rayonlarni qamal qilish, keng kölemlik emlesh élip bérish, chégrani taqashtek wastilarni ishlitip kelgen idi. Xitay da'iriliri ‍ötken yili 10-ayda Uyghur diyarining qozghas nahiyeside qayta yuqum bayqalghandimu, pütün ili tewesini bir aydin artuq qamal qilip, mezkur rayonning sirt bilen bolghan alaqisini üzüp tashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.