Xitay kompartiyesi “Junggoning tehdit” ke duch kéliwatqanliqini bildürdi

Xitay kompartiyesi merkizi komitéti siyasiy byurosi jüme küni agahlandurup, “Junggoning mislisiz bixeterlik tehditi” ge duch kéliwatqanliqini bildürdi. Xitay kompartiyesining 25 kishilik siyasiy byurosi jüme küni ayliq yighin chaqirghan.

Siyasiy byuro shu küni élan qilghan bayanatida mundaq dégen: “Bixeterlik jehettiki bezi xiris we tehditlerni aldin'ala qiyas qilish imkansiz. Shunga, dölet yoshurun tehditlerge her waqit hoshyar turushi zörür.”

Bayanatta, bu yoshurun tehditler konkrét tilgha élinmighan bolsimu, biraq bezi közetküchiler xitayning Uyghur qarshiliq herikiti, yaponiye we sherqiy -jenubiy asiyadiki bezi döletler bilen bolghan zémin talash-tartishi, amérikining asiyagha qaytishi qatarliq amillarni jiddiy tehdit, dep qarawatqanliqini bildürdi.

Xitay hökümiti ötken yili Uyghurlarning shiddetlik qarshiliqigha duch kélip, sherqiy türkistan küchlirige bir yilliq “Qattiq zerbe bérish” herikiti bashlighan.

Firansiye agéntliqining jüme küni tarqatqan xewiride eskertishiche, xitay kompartiyesi sh. T. I. H. Qatarliq chégra sirtidiki küchlerni hujum qiliwatidu, dep agahlandurghan bolsimu, biraq u bu hujumlarda radikal küchlerning qoli barliqigha da'ir dellilerni otturigha qoyup baqmighan.