Нобел мукапати саһиблири йиллиқ йиғинини бикар қилиш арқилиқ хитайға наразилиқ билдүрди

Мухбиримиз ирадә
2014-09-25
Share

Бир қисим нобел мукапати саһиблири җәнубий африқа һөкүмитиниң далай ламаға виза бәрмигәнликигә наразилиқ билдүрүш йүзидин һәр йили бир қетим бу дөләттә өткүзүлүп келиватқан йиллиқ йиғинини бикар қилғанлиқини җакарлиди.

Бирләшмә агентлиқиниң хәвәр қилишичә, нобел тинчлиқ мукапатиға еришкән аяллар тәрипидин тәшкилләнгән "нобел аяллири һәрикити" намлиқ тәшкилатниң йиғини бу йил 13-өктәбирдин 15-өктәбиргичә җәнубий африқиниң кәйп товн шәһиридә өткүзүлмәкчи иди. Бирақ, улар бүгүн елан қилған баянатида, хитай һөкүмитиниң далай ламаниң әркин саяһәт қилишини чәкләш үчүн һәрқайси дөләтләргә бесим ишлитиватқанлиқини вә җәнубий африқа һөкүмитиниңму хитайниң арзуси бойичә иш көргәнликини тәнқид қилған.

Далай лама җәнубий африқида өткүзүлидиған 14-нөвәтлик хәлқара нобел тинчлиқ мукапати саһиблириниң учришишиға қатнишиш үчүн тәклип қилинған иди. Бирақ, униң виза тәлипи рәт қилинған. Бу, җәнубий африқа даирилириниң 5 йил ичидә далай ламаниң виза тәлипини 3-қетим рәт қилиши болуп һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт