Nobél mukapati sahibliri yilliq yighinini bikar qilish arqiliq xitaygha naraziliq bildürdi
Bir qisim nobél mukapati sahibliri jenubiy afriqa hökümitining dalay lamagha wiza bermigenlikige naraziliq bildürüsh yüzidin her yili bir qétim bu dölette ötküzülüp kéliwatqan yilliq yighinini bikar qilghanliqini jakarlidi.
Birleshme agéntliqining xewer qilishiche, nobél tinchliq mukapatigha érishken ayallar teripidin teshkillen'gen “Nobél ayalliri herikiti” namliq teshkilatning yighini bu yil 13-öktebirdin 15-öktebirgiche jenubiy afriqining keyp town shehiride ötküzülmekchi idi. Biraq, ular bügün élan qilghan bayanatida, xitay hökümitining dalay lamaning erkin sayahet qilishini cheklesh üchün herqaysi döletlerge bésim ishlitiwatqanliqini we jenubiy afriqa hökümitiningmu xitayning arzusi boyiche ish körgenlikini tenqid qilghan.
Dalay lama jenubiy afriqida ötküzülidighan 14-nöwetlik xelq'ara nobél tinchliq mukapati sahiblirining uchrishishigha qatnishish üchün teklip qilin'ghan idi. Biraq, uning wiza telipi ret qilin'ghan. Bu, jenubiy afriqa da'irilirining 5 yil ichide dalay lamaning wiza telipini 3-qétim ret qilishi bolup hésablinidu.
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- Qeshqerde lagérgha adem tutushta xizmet körsetken saqchining qizimu 10 yilliq késilgen
- B d t kishilik hoquq aliy komissari bachélétning xitay ziyariti resmiy bashlandi
