Тонулған хитай тарих профессориниң йеңи китаби китабханилардин йиғивелинған

Мухбиримиз ирадә
2015-12-03
Share

«Малийә вақти гезити» ниң хәвәр қилишичә, хитайдики чиңхуа университетиниң тонулған тарих профессори чин хуйниң йеңи китаби китабханилардин йиғиветилгән. Китабниң исми «падишаһлиқ түзүмдин чиқиш» болуп, униңда аптор чиң ханиданлиқиниң ахирқи мәзгилидин җаң кәйшиниң милләтчи реҗимиға болған дәвр баян қилиниш арқилиқ, асасий қанунға таянған бир демократийә турғузуш пикри илгири сүргән икән.

Профессор чен хуй малийә вақти гезити мухбириға китабиниң чәкләнгәнликини ейтқан вә «бу худди улар бирини өлтүрүп, андин у тоғрулуқ сени гәп қилғили қоймиғандәк иш. Мән китабимниң чәкләнгәнлики тоғрулуқ еғиз ачалмайватимән» дегән.

Хәвәрдә ейтилишичә, мухбир бейҗиңдики китабни нәшр қилған орунға телефон қилип, китабниң немә үчүн йиғивелинғанлиқини сориғинида, бир хадим китабта «сүпәт мәсилиси» көрүлгәнликини ейтқан. Шинхуа агентлиқиға қарашлиқ рәсмий китабхана хадими болса китабни «сетилип болди» дегән.

Хитай һөкүмити алдинқи йили бир қарар мақуллап, һәр йили 4-декабир күнини «асасий қанун» күни қилип хатириләшни бекиткән иди. Профессор чен хуйниң китаби дәл бу хатирә күни йетип келиш алдида йиғивелинған.

Хәлқара кишилик һоқуқ органлири хитайда «дөләтни қанун билән идарә қилиш», «әдлийә мустәқиллиқи» вә шундақла пикир әркинликиниң илгириләп қамал қилиниватқанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.