Xitayning jéjyang ölkisidiki bir ximiye zawutida partlash yüz bergen

Muxbirimiz qutlan
2015-09-07
Share

"Amérika awazi" radiyosining xewirige qarighanda, bügün, yeni 7-séntebir chüshtin kéyin jéjyang ölkisi lishüy shehirining iqtisadiy tereqqiyat rayonidiki bir ximiye zawutida partlash yüz bergen.

Partlashtin kélip chiqqan shiddetlik ot apiti shu yer waqti kechqurun sa'et 18:30 da andin kontrol qilin'ghan. Emma hazirgha qeder weqede adem ölüsh yaki yarilinish hadisisining bolghan yaki bolmighanliqi heqqide uchur yoq.

Xewerde déyilishiche, xitaydiki köpligen kishiler ahaliler olturaq rayonlirigha yéqin jaygha orunlashqan ximiye zawutliri, asan ot alidighan xeterlik buyumlar iskilatliridin qattiq endishe qilmaqtiken.

Melum bolushiche, tyenjindiki zor partlashtin kéyin, xitayning bashqa ölke we sheherliridiki bir qisim ximiye zawutliridimu partlash yüz bergenliki ilgiri sürülmekte.

Igilinishiche, 8-ayning 31-küni shendung ölkisidiki bingyu'en ximiye zawutida partlash yüz bergen. Shendung ölkisi dungying sheherlik hökümet torining xewirige qarighanda, 9-ayning 5-künige qeder mezkur partlashta jem'iy 13 kishi hayatidin ayrilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet