Хитайдики партлашта 1 адәм өлгән, 8 адәм яриланған

Мухбиримиз җүмә
2013.11.06

Чаршәнбә күни, хитайниң шәнши өлкиси тәййүән шәһиридә бир нәччә йәрдә партлаш йүз берип 1 адәм өлгән, 8 адәм яриланған.

Мәзкур партлаш тйәнәнмен машина һуҗумидин кейин бихәтәрлик тәдбирлири йеңи күчәйтилгән мәзгилгә тоғра кәлгән болғачқа, хитай җәмийитидә җиддийлик қозғиған.

Шәнши өлкилик һөкүмәт вә сақчи даирилириниң билдүрүшичә, һуҗум чаршәнбә күни әтигән саәт 7 дин 40 минут өткәндә йүз бәргән. Партлаш шәнши өлкилик партком бинаси алдида көрүлгән.

Хитай ахбаратиға қариғанда, бомба қолда ясалған болуп, нөвәттә партлатқучиниң мәқсити ениқланмиған.

Йәрликләрниң ахбаратқа билдүрүшичә, бомбилар йол яқисидики гүллүккә йошуруп қоюлған. Кишиләр, сәккиз қетим партлаш авазни аңлиғанлиқини ейтишқан.

Бәзи ғәрб мәтбуатлирида буниң тйәнәнмендә йүз бәргән өч елиш һуҗумиға характер җәһәттин охшаш һуҗум болуши мумкинлики көрситилгән.

28-Өктәбир хитайниң бейҗиң шәһиридә аптомобил билән һуҗум қилиш вәқәси йүз берип, 5 адәм өлгән, 38 адәм айрилған. Даириләр вәқәни уйғурлар садир қилғанлиқини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.