Xitayning wirus yuqumigha qarshi qattiq qamal qilish siyasiti, xitay puqralirining qarshiliqigha uchrighan

Xitayning eng chong soda we pul-mu'amile merkizi bolghan shingxeyde korona wirusi yuqumgha qarshi tedbir élish üchün puqralarming öylirige nezerbent qilinip, sheherning qattiq qamal qilinishi, xitay puqralirini jénidin jaq toyghuzghan we ularning qarshiliqigha uchrighan.

Xitay hökümiti esli qamalni ötken jüme, yeni 4-ayning 1-küni boshitishi kérek bolsimu, biraq korona wirusining dawamliq tarqilishi bilen qamal dawamliq uzartilghan. Xitay sehiye da'irilirining melum qilishiche, shangxeyde 3-aprél yekshenbe küni 438 neper resmiy yuqumdar, 7780 neper késel alamiti yoq yuqumdar bayqilip, aldinqi kündikidin köpeygen.

Oxshash bir waqitta yene xitayning jilin ‍ölkisidimu yuqumdarlar dawamliq köpiyip, 3-aprél küni resmi diyagnoz qoyulghan we késellik alamiti yoq yuqumdarlardin 4450 kishi bayqalghan. Xitay hökümiti ötken hepte nuposi 24 milyonluq shangxey shehiride ikki basquchliq qamal qilishni yolgha qoyghan idi. Da'iriler puqralarning sherqiy pudong rayonida ötken jüme künidin bashlap sirtqa chiqishigha yol qoyudighanliqini éytqan bolsimu, lékin rayonda yémeklik yetküzüp bérish, dora we sehiye mulazimetliridin shikayet qiliwatqan milyonlighan puqrani dawamliq nezerbent qilghan.

Shangxey ahalisining chet el taratqulirigha ashkarlishiche, xitay da'iriliri 3-aprildin bashlap shangxeyge xitayning her qaysi ölkiliridin qoralliq saqchi qisimliri we tibbiy xadimlarni köplep yötkep kélishke bashlighan. Melum bolushiche, nöwette shi jinpingning “Nöl korona wirusi” istératigiyesi xitay puqralirining téximu qattiq tenqidige uchrimaqta, shundaqla bu siyasttin waz kéchish chaqiriqliri téximu kücheytmekte iken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar