Явропа иттипақи хитай әмәлдарлириға қаритилған җаза тәдбирлирини йеңилашни оттуриға қойған

Мухбиримиз нуриман
2021.11.26

“җәнуби хитай әтигәнлик почтиси” гезитиниң хәвәр қилишичә, явропа иттипақи хитайниң уйғур районида йүргүзүватқан кишилик һоқуқ дәпсәндичиликлири сәвәбидин хитай әмәлдарлириға қаритилған җаза тәдбирлирини йеңилашни пиланлиған.

Бу йил 22-март күни америка, канада, әнглийә вә явропа иттипақи бирликтә уйғурларға қаритилған кишилик һоқуқ дәпсәндичиликигә четишлиқ болған шинҗаң ишләпчиқириш-қурулуш биңтуәни парткоминиң секретари ваң җүнҗең, уйғур аптоном районлуқ җамаәт хәвпсизлики назаритиниң назири чен меңгу вә уйғур аптоном районлуқ сиясий-қанун комитетиниң сабиқ секретари җу хәйлун қатарлиқ 6 нәпәр хитай әмәлдарлириға “йәр шари магнетиский қануни” бойичә җаза тәдбири илан қилған иди.

Хәвәргә қариғанда, бу җаза тәдбирлири бу йил 6-вә 7-декабир күнлири явропа иттипақиға әза 27 дөләтниң иҗтимаий сиясий, сәһийә вә истемал ишлири министирликлири йиғинида қайта оттуриға қоюлуп уни йеңилаш үстидә музакирә болидикән. Игилинишичә, бу җаза тәдбириниң ашу йиғинида тәстиқлинишидин үмид зор икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.