B d t kishilik hoquq komitéti xitayni "Gépi bilen emeliyiti bir emes" dep tenqid qildi

Muxbirimiz irade
2018-03-08
Share

Birleshken döletler teshkilati kishilik hoquq komitétining bashliqi za'id ra'ad al-hüseyini xitayni kishilik hoquq mesilisi boyiche eyiblidi. "Yawropa xewerler tori" ning xewirige qarighanda, b d t kishilik hoquq komitétining bashliqi za'id charshenbe küni dunyadiki herqaysi döletlerning yilliq kishilik hoquq weziyiti heqqide kishilik hoquq kéngishige doklat bergen. U yilliq doklatida xitayning kishilik hoquq weziyitini eyiblep, "Xitaydiki weziyet uning bergen wedilirining eksiche bolmaqta" dégen. U, xitayda eng eqelliy kishilik hoquqlarningmu kapaletke ige qilinmaywatqanliqini tekitligen.

U sözide yene mundaq dégen: "Bizning ishxanimiz dawamliq halda xitaydiki kishilik hoquq qoghdighuchiliri, adwokatlar, tibetler we Uyghurlarning xitay da'iriliri teripidin xalighanche tutqun qilinish, mejburiy ghayib qiliwétilish yaki éghir derijidiki kemsitishke uchrawatqanliqigha alaqidar jiddiy erzlerni tapshurup éliwatimiz." 

Za'id ependi sözide yene xitaydiki iqtisadiy, ijtima'iy we medeniyet tengsizlikliri hem shundaqla chiriklik, yer tartiwélish we milliy medeniyet iznalirining buzghunchiliqqa uchrishi qatarliqlarnimu tilgha élip ötken. U mundaq dégen: "Xitay re'isi shi jinping bir qétimliq sözide xelqni merkez qilghan we hemme kishige élip kélidighan bir ortaq kélechek qurup chiqish heqqide söz qilghan idi. Epsuski, xitayning xelq'aragha qilghan bu sözi xitay ichide öz eksini tapqandek emes," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet